Bildungsorganisation_rm

Il sistem da furmaziun svizzer suonda il sistem federalistic ch’è tipic per in princip subsidiar. Las trais instanzas politicas Confederaziun, chantuns e vischnancas partan las incumbensas. La responsabladad principala per ils fatgs da furmaziun han però ils chantuns.

  • Confederaziun

    Sin plaun federal è oravant tut il Secretariat da stadi per furmaziun, retschertga ed innovaziun (Departament federal d'economia, furmaziun e retschertga) responsabel per ils fatgs da scola.

  • Chantuns

    Sin plaun chantunal portan ils 26 departaments chantunals la responsabladad principala per ils fatgs da furmaziun. Mintga chantun dispona da sia atgna legislaziun, quai che po manar tar grondas differenzas tranter in chantun e l’auter.

  • Vischnancas

    Las vischnancas organiseschan il manaschi da scola. Perquai ch’ils umans èn francads fitg ferm cun il lieu da domicil, pon soluziuns adattadas al lieu vegnir realisadas.

  • Collavuraziun Confederaziun - chantuns

    La Conferenza svizra dals directurs chantunals da l'educaziun publica (CDEP) è responsabla per la coordinaziun naziunala en la politica da furmaziun e da cultura. La CDEP agescha a moda subsidiara ed è responsabla per incumbensas che na pon betg vegnir surpigliadas ni da las regiuns ni dals chantuns. Ella è la partenaria da tractativas da la Confederaziun per ils champs da furmaziun nua che omaduas èn responsablas. En dumondas da furmaziun e cultura represchenta la CDEP era ils chantuns en l’exteriur.

Questa pagina per: Deutsch Français Italiano English

Ultima actualisaziun da questa pagina: 03.11.2015

Tools

Job

educa.ch